Objective | 目的

好多香港人嚟到英國，如果買屋仔嘅話，都會喺花園鋪咗磁磚以取代草地方便打理，同時由於呢度奉行工作與生活平衡 (Work-life Balance), 既然空間和時間比在港時多咗，自然就會想享受農家樂，一來可以食得健康安心啲，二來亦可以當種菜係親子活動，看着蔬果嘅成長，心情真係好治癒㗎！

另外，由於預期喺呢段時間英國會有蔬菜短缺問題，所以我嘅朋友都開始打嚟問我究竟種菜有什麼小貼士，諗住自家種植。 但係由於在香港時，佢哋都過著營營役役嘅生活，所以喺用 BNO Visa 過嚟之前, 甚少會對在家種植蔬菜有所認識，實在很難透過電話逐一解答。

有見及此，我建立咗 yanyan can plant 呢個網站，及同名嘅 YouTube，希望可以分享經驗和小知識幫助新手加入種菜行列，達到人人皆可在家種植嘅目的。